Böcker av Chris Opeña Orcuse

"Lumipas na ang mga panahon kung saan ang mga mobile phones ay ginagamit lamang natin na pantawag Ngayon, halos umiikot na ang buhay natin sa paggamit nita Nariyan ang pakikipag-usap sa pamamagitan ng voice messaging at emails. Nagagamit din ito upang makapag-internet surfing. Naaaliw tayong binubuksan ang mga lirato at maging ang iba pang mahahalagang mga dokumento. At higit sa lahat ay maaaring makapagrékord ng sideo sa pamamagitan ng kamerá na nakakabit dito.Ang palasak na paggamit ng mga mobile phones sa mga kabataan ay nagsisilbing behikulo ng pagpapahayag ng sariling pagkakakilanlan at katangian na madalas ay sa pamamagitan ng text messaging at social media. Ngunit sa isang makatang magsasaka na nagtatrabaho sa ilalim ng nakasusunog na araw ay nakasusumpong ng kaluguran sa paghahabi ng mga tula habang nagpapahinga sa lilim ng punong Lipóte"

Ang hulagway ay isang Cebuanong salita na nagmula sa "hulad" na nangangahulugang "paglalarawan" at "dagway" na ang ibig sabihin ay "hitsura". Mas madalas ang ginagamit na Tagalog dito ay nagmula naman sa salitang Espanyol na "imahen". Sa literatura, ito ay ang pagsasalarawan ng panukalang kaisipan o damdamin sa isang akda; o ang larawang ikinintal, lalo na sa tula; o ang larawan bílang talinghaga. Samakatwid, sa aklat na ito makikita ang hitsura o imahen ng buhay na nabigyan ng buo at malinaw na pagsasalarawan sa pamamagitan ng mga salitang maingat na pinili ng sumulat. Inilalarawan dito ang ibang kilalang emosyon, positibo man o negatibo tulad ng pagkagiliw, pagkamangha, lungkot, at panghihinayang. May pagpapahayag ng pagmamahal hindi lamang sa isang nililiyag kundi maging sa bansa, wika, at kalikasan. May pagbabalik-tanaw sa nakalipas, may pagkilala sa kahalagahan ng isang guro at paglalarawan ng kasipagan, mayroon ding pagpapayo at higit sa lahat, pagpapahayag ng wagas na Pananampalataya. Sa kabuuan, ang "Hulagway" ay isang aklat ng malayang paglalarawan ng buhay.