PUNLA

""May mga pangarap na hindi mo sinasadyang mabuo at paglao'y inibig mo na ng lubusan. Na kahit patay-sindi ang ningas ng pag-ibig mo para dito, patuloy mong inaabot. Naisip mong isuko nalang, minsan. Pero nananaig ang alab na pinipilit muling magningas pagtapos ng ilang ulit na pagkamatay. At ngayon, heto ka. Pilit inaabot ang pangarap na hindi mo akalaing makakamit mo rin. Magpatuloy ka pa,marahil sa mga susunod na araw, nakamit mo na ang lahat ng pangarap mo nang hindi mo namamalayan.
Ang aklat na ito'y koleksiyon ng mga tulang isinulat ng isang dating highschooler. Mga punlang nagsimulang magpaalab sa ningas ng pagmamahal para sa literatura. Isang koleksiyon ng mga tulang iba't-iba ang paksa, alay para sa iba't-ibang tao. Mga tugmang hinabi at nagsilbing pagsasanay upang maisilang ang isang manunulat. Isang batang tinuruan mangarap ng mga tugma.
""